viernes, 23 de enero de 2009

La ciudá








La ciudá, d’Elías Veiga poesiaasturiana






Equí nun canten los gallos
nin baxen los llobos al ríu,
sedientos, medievales, de madrugada
a llamber la lluna,
a violar el silenciu encesu de la viesca.
Nun hai xanes peles fontes
y les sirenes vuelven a casa
borraches y alloriaes.
Nengún Nuberu,
tolo más dalgún mendigu ensin patria
que bebe muncho,
come poco
y mexa nubes peles faroles.
Hai, sí, almes en pena
pero nun ye la Güestia, non,
son toa esa xente cargao d’hipoteques
y creitos a cortu y llargu plazu,
que pesen como cadenes colgaes del corazón.
Nun hai árboles pa nun ver la viesca,
dexen cuatro
nesos parques con agua podre
y palombes canceroses.
Si quies respirar aire puru
o ver les estrelles,
garra un tren
o’l primer coche de llinia
que te lleve bien lloñe
hacia otres tierres ensin llendes d’hormigón.
Y si puedes, nun vuelvas más,
quédate nalgún llugar
con menos xente
y más persones.

4 comentarios:

  1. Gracias, Malú.
    Nunca había leído un poema escrito en bable, y ha sido como ver el correr del ríu entre las montañas.
    No me he enterado de algunas cosas, pero ya aprenderé.
    ¿La viesca es el bosque?

    Eso quisiera hacer yo ahora: coger un tren y marcharme bien lloñe...

    Un abrazo.

    ResponderEliminar
  2. Hola Antonio. De vez en cuando pongo algo en bable...me alegro que te guste.
    La viesca aqui se llama al bosque bajo o a los matorrales.
    Saludos.

    ResponderEliminar
  3. I only speak English but your photos are wonderful....

    ResponderEliminar
  4. Hey, Phil ... thank you for your comment and I am glad you like my photos. I know little English, now I'm starting my education in your language.
    Greetings

    ResponderEliminar